一場珍貴對話

phoTALKgraphy(HK Origin 第二階段)


因為接觸和認識到 Narrative Therapy 敍事治療實踐理論模式,發現原來係有一套真正可以令人因為唔洗怕被人格標籤、個人價值觀被質疑被批評而可以無拘束咁享受暢所欲言嘅傾談對話。

當我參與課堂,由教授丁惠芳博士好詳細清晰貼地咁講解 Narrative Therapy 嘅理論和實踐,我已經非常雀躍,已經認定為我最喜歡和能接納嘅服務工作手法。

當時課程要求我哋揾一位對像用所學到嘅手法實踐一下,於是我特意邀請我表弟同我進行一場對話,哩次嘅對話係以往從來無發生過,亦無想像過會出現。

一場珍貴對話
唔洗怕被人格標籤、個人價值觀被質疑被批評,無拘束暢所欲言嘅傾談對話。

因為以往我同表弟嘅關係就係表姊表弟、有輩份觀念嘅關係,而且我一直單方面認為佢係一個 「可以好叻、可以有較出色表現和發展」嘅小朋友,但好可惜佢無好好把握和珍惜入到當時都唔錯嘅中學,到最後甚至無完成中五,停學了。

我唔明,我覺得好嘥好可惜,甚至覺得好蠢,佢無為自己打算過。


就係因為我所抱住對表弟嘅睇法,每次同佢 “傾” 時都好快去咗教導式談話,多 2次出現時表弟已經唔再鐘意我問佢嘢,因為我根本唔明佢,佢好無癮;往後佢更加刻意避開會講嘢嘅機會。

我完全感受到我同表弟間嘅距離大咗好多,輩份嘅壓力更加擴大。


對話開啟

就因為咁樣,我知道問題出現了,我知係我嘅處理和態度出現咗困難障礙。幸運地喺哩個時間讓我認識和了解到 Narrative Therapy 哩個 approach,我覺得好興奮好有希望,因為我可以運用哩個理論模式為我不單只喺工作上、甚至生活上去實踐一個更好嘅我,去讓更好和更舒適嘅人際關係發生

於是我選擇咗邀請表弟進行一場對話,一個讓我哋關係重生嘅對話。


但原來哩一次嘅對話不單令我同表弟嘅關係邁進一大步,亦令我認識和了解表弟更多。但最重要係令我意識到一場優質嘅、令雙方自在舒服、令個人能力/經驗/特質/優點/價值觀都能突顯嘅一場珍貴對話


回想我當時完咗同表弟嘅對話後,我係非常之開心、滿足,因為我真心欣賞表弟,原來佢係咁有自己嘅想法,有利用自己嘅技能喺羣體中發揮,而且佢一直默默地建立累積能力值和經驗值。當時同表弟對話時嘅我一直暗暗地發出會心微笑,充滿欣悦嘅目光。


#NarrativePractice

#一場珍貴對話

#經驗和優勢 #個人特質 #價值觀

  • phoTALK YouTube
  • phoTALK IG
  • phoTALK Blogger
  • phoTALK Facebook

© 2020 by phoTALKgraphy. All Rights Reserved.