沉思攝影透過拍攝過程擴闊個人視野和觀察角度,對身處環境和世界抱持動力和欣賞。

The Concept of Photography in the Contemplative Way


攝影技巧、攝影器材設備功能、拍攝模式等等技術層面嘅內容 & 資訊,坊間已經有好多發表和分享,拍攝、造相效果軟件功能講解等亦有好多大師貼文、開班、授課,想當年我到美國進修跟專業嘅老師學習攝影亦受惠不少。經過咁多年對攝影嘅運用,近年多咗學習利用攝影和相片嚟作自我發掘、反思 & 感受分享,當中有好大嘅樂趣,好有滿足感,又因為經過多年喺現實環境、工作嘅洗滌,更加體驗到拍攝過程可以係一種自娛、自癒、自我放鬆、自我了解嘅重要部分,而相片對我或其他觀賞者嚟講係一個拍攝結果(outcome)。

視野和觀察角度

近年多咗興趣研究同推動「以攝影和相片為介入,帶動參與者去感受情緒、抒發情感」,自己不自覺地將心思放喺推動沉思形嘅攝影模式(Contemplative Photography)哩個方向,某程度上亦對個人累積咗一定嘅認知和了解。

當初自己不經意咁進入咗哩個「沉思形嘅攝影模式」,直到有位朋友分享咗份文章,係 Contemplative Photography(沉思攝影),於是搜尋後發覺好有共鳴,大叫「我就係咁樣攝影呀」

當進行沉思形嘅攝影模式(Contemplative Photography),基本上我地會將身體 3 個部分:眼睛 eye、注意力 mind、心 heart 連繫一齊,喺拍攝嘅過程,我地只會觀察和發現場景中嘅細緻,讓我地放慢腳步,同時發現平常我地少關注或遺漏嘅部分,期間亦要排除墮入理性思考嘅狀態。


等我簡略講一下進行沉思攝影時我地身體會點互維配合連繫一齊:

當我地進行沉思攝影時,我地會專注(#mind)去留意同觀望身處嘅環境,慢下步伐,專心咁去看(#seeing)每一處進入我地眼睛嘅事和物,放下對事物嘅既定想法(#nonjudgmental)或標籤(#labeling),我地會感受當一刻(#moment)嘅自己、感受當下(#hereandnow)嘅自己和事物嘅存在,用眼睛(#eyes)以愉悅和欣賞(#appreciation)嘅心情去連結,以心(#heart)去感受和體會。


實踐沉思攝影係攝影藝術嘅一種方法,主要想透過拍攝過程嚟擴闊個人視野和觀察角度,對身處環境和世界抱持動力和欣賞。


資訊連結:Seeing Fresh – The Practice of Contemplative Photography

#ContemplativePhotography

#視野和觀察角度

#動力和欣賞

  • phoTALK YouTube
  • phoTALK IG
  • phoTALK Blogger
  • phoTALK Facebook

© 2020 by phoTALKgraphy. All Rights Reserved.